HAUSAKNA LEH PATHIAN RAM

— R.K. Vanlalhruaia
Kathmandu, Nepal

MATTHAIA 19:26
Tin, Isuan anni chu a en a, an hnênah, “Chu chu mihring tân tih rual a ni lo va; Pathian nên erawh chuan engkim tih theih a ni,” a ti a.

Mi hausa vânram luh aia hriau benga sanghawngsei luh a awl zâwk tûr thu Isua sawi, zirtîrte mak ti lutuk Isua chhânna thu kan hmu a. Mihring hausa, sum rawngbâwl nasa lutuk tân hi chuan Pathian lam hawi hi a har teh zawng a ni ang a. Khawvêl mihringte buaipui ber leh kan chhiatpui ber a ni lawi bawk si a. Mahse mi hausa tam tak Pathianin an rilru a tih danglamsak te an awm ve ta nual mai hian helai châng dikna hi a târlang âwm e.

Arthington te pawh keini tehlulin Isua kan hriat phahna a ni ve tlat mai. Sum hian vânram kawng min botîr nasa ber mai awm mang e, chuvângin sum leh Pathian rawng a bâwl kawp theih loh thu kan hmuh angin. Hotu pakhat Pathian rawng chauh bâwl i tum tlat zêl ang. Ni tin kan ei khawpin tia kan dîl hi, kan rin tak tak theih chuan kan va thlamuang dâwn êm! Kan va hausa dâwn êm!