LO THIANGHLIM TAWH ANG CHE

MARKA 1:40-41
Tin, a hnênah phâr a lo kal a, “I duh chuan mi tithianghlim thei e,” tiin a hmaah ṭhingṭhiin a ngên chiam a. Tin, ani chuan a lo khawngaih êm êm a, a han ban a, a dek a, “Ka duh e, lo thianghlim tawh ang che,” a ti a.

Phâr te hi daipâwnah an dah ṭhîn a. Mi an tawh dâwn chuan, ‘thiang lo, thiang lo’ tiin an au ngei tûr a ni. Duat taka enkawl an hlawh loh avângin phâr hri chuan an taksa bung hrang hrangah hna a thawk tam tial tial a, thih hmabâk mai an ni. He phâr hian mipui zînga a kal chuan den hlum theih a ni tih a inhria. Isua chu inthlahrung tak leh ngênngâwl tak siin tithianghlim tûrin a ngên a. Isuan a lo khawngaih êm êm a, a tithianghlim ta a ni.

Kan taksa a phâr lo a nih pawhin kan rilru leh ngaihtuahna hi a lo phâr mai thei. Isuan a tidam thei che a (Jn. 6:37), a hnên i pan dâwn em?

Aw LALPA, tithianghlim ang che,
Ka rilrua awmte hi;
Châknate leh talent zawng zawng,
Nangmah fak nân i siam si;
Kawng fai laka
Bo lovin min hruai ang che.

Lal Isuan amah pantute a tithlâwn ngai lo.