TLÂKNA LEILUNG

MATTHAIA 13:6-8
Nimahsela, ni a lo tlângsân deuhvin em vuaiin a lo awm a, zung a neih loh avângin a râwp ta mai a. Tin, a ṭhen hnimhlîngnei zîngah a tla a, hnim chu a lo ṭo sâng a, a dîp ral ta a. Tin, a ṭhen leiṭhaah a tla a, ṭhenkhat a leh za te, ṭhenkhat a leh sawmruk te, ṭhenkhat a leh sawmthum tein a lo rah ta a.

Thlai chî kan tuh a, lei a ṭhat chuan thlai a lo duah hluah mai a. A leilung a ṭhat loh chuan thlai chu ṭo mah se, fere te te rah chhuah mumal thei lote a ni ṭhin. Buh chi thehtu buh chi theh kawng dunga tlate hre rengin hnimhlîngnei zînga tla lei ṭhaa thehtu ang nih i tum ṭheuh ang u.

Pathian thu hlu tak hi eng leilungah nge kan tlâktîr? Benga kan hriat hi beng lehlamah kan chhuahtîr mai em? Harsatna leh khawvêl lungkhamna, sum leh pâiten Pathian thu a dîp ral em? Sande Sikul, biak in leh chhûng inkhâwma a thu kan ngaihthlâkte hi kan thinlungah tlâktîr ila; kan nunah a lo lang chhuak ang a, a lêt tam taka pungin a rah ang.

Ka duhthlanna hi ka pe,
I taah chantîr ang che;
Thinlung i hnênah ka hlân,
I chênna atân nei la.

Pathian thu hi nun kaihruaitu atân i hmang em?