ENG THAM NGE NI ANG?

JOHANA 6:8-9
Tin, a zirtîrte zînga pakhat, Simon Petera unau Andria chuan a hnênah, “Barli chhangpêr panga leh sangha pahnih nei mipa naupang pakhat hetah a awm; nimahsela, mi hêng zozai zîngah hian chûng chu eng tham nge ni ang?” a ti a.

Andria chuan chhangpêr panga leh Sangha pahnih chu tlêm a ti hle a, Isua lahin ama thu ngaithla tûra hah taka lo kalte chu a khawngaih a. Philipa, Bethsaida khuaa mi chu chhang leina tûr hmun a zâwt a, a ni chuan Isua zawhna chu chhâng lovin, “Mi tinin tlêm têa an chan tûr pawh, duli zahnih man chhangin a daih lo vang (Jn 6:7),” a ti ta daih a ni.

Mahni lam kan inen chuan kan thiamna, kan felna, kan sum leh theihna a beithama hriat châng kan ngah ṭhîn. I zâm lo ang u. Pathian nên chuan engkim tih theih a ni si a (Mk 10:27). ‘Ka rethei, engmah thiam ka nei lo, kan kohhran a rethei’ ti mai lovin Isua i ring ngam ang u. Rinngamna nên an fatu ngamnaah zirtîrten thilmak an hmu. A bâng nawi pawh bâwmrâng sawm leh pahnih, zirtîrte daih chiah a ni.

Ka chak lovin ka thiam lo va,
I thisen hlû ka tân a luang;
I duh angin min siam ang che,
LALPA, min pui ang che.

Isua chu a hun takah min ṭanpui tûrin a che ṭhin.