MIHRING TIBAWLHHLAWHTU

MARKA 7:21-23
Kawchhûnga mi, mihring thinlung aṭangte chuan ngaihtuahna sualte a lo chhuak si ṭhîn: inngaihna te, rûkrûkna te, tualthahna te, uirêna te, awhna te, sualna te, bumna te, hurna te, îtsîkna te, sawichhiatna te, chapona te, âtna te hi; chûng thil sual zawng zawng chu kawchhûng aṭangin a lo chhuak a, mihring chu a tibawlhhlawh ṭhîn,” a ti a.

Makabia hun lai khân sa bawlhhlawh ei ai chuan thih an thlang a, mi tam tak an thih phah a ni (l Makabia 1:63). Vawksa ei ai chuan râwng taka thih an pawisa lo (l Makabia 7).

Kan taksa tichhe theite kan eiin kan in tûr a ni lo. Kan ei tam luat emaw ei loh tûr kan ei emaw avângin kan taksa kan tikhawlo thei a ni. Pathian thu nên a inrem lo. Kan thinlung hi vêng fîmkhur ila, min tibawlhhlawhtu tam tak kan vêng thei ang.

Ka thinlung sual bawlhlawh hnu kha,
I Tempul-ah chantîr la;
A chhûngah hian aw, ka LALPA,
Chatuanin lo chêng ang che.

Thinlung tithianghlim thei Isua hnên i pan ang u.