FANAU ENKAWL 3-NA

THUFINGTE 23:13-14
Naupang thunun tîm suh, Tiangin vaw mah la, a thi dâwn si lo va. Tiangin i vua ang a; Tichuan, Seol ata a nunna i chhanchhuak ang.

Tûnlai thiamna leh finna lo ṭhang zêl hian sualna a tipung nasa êm êm a. Nu leh pa tam tak phei chuan an tâna ṭha tûr leh ṭha lo tûr pawh kan thliar hrang thiam lo. An lawm êm êm computer games te pawh hi tharum thawha inbeihna leh thisen inchhuahna chi phei chu khelh tîr loh a ṭha. Pawisawi lo silaia hâwl chiam ṭhin hote pawh hi han zir chian chuan tharum thawhna lam games khêl nasa an lo ni ṭhîn. Games an khelh nasat lutuk chuan lungphu châwl pawhin an thi thut thei niin hrechiangte chuan an sawi.

Kohhran Sunday School hian kan naupangte mamawh hi a phuhrûk zo ta lo hlein a lang hlawm. Nu leh pa ṭhenkhat chuan zirtîr hman pawh ni se a ngaihna hre lo an tam tawh a. Kan Naupang Sunday School bâkah Kohhran hian hun puma naupang zirtîrtu tûr Kohhran tina inrawih kan mamawh ta hle niin a lang.