INNGAIHTLÂWM CHU INREMNA A NI

GENESIS 33:3-4
Tin, amah chu an hmaah chuan a kal a, a u bul a thlen hma chuan vawi sarih lei siin chibai a bûk a. Tin, Esauva chu amah lâwm tûrin a tlân a, a pawm a, a ir a chuktuah a, a fâwp a; tin, an ṭap dûn ta a.

Jakoba’n a u, Esauva malsâwmna dawn tûr a dawn khalh avângin Esauva thinrimin thahah a vau ta a. A pu Labana hnênah a tlân chhia a, a berâm rualte vênsakin a fanu Rebeki pawh a neihsak a. Kum eng emawzât a awm hnu chuan a lo kîr leh a. Chutianga a lo kîr chu a u Esauva chuan mi 400 hruaiin tâwk tûrin a kal a. Jakoba chu a u bul a thlen hma lawk chuan vawi sarih lei siin chibai a bûk a. A ran rual zînga mi tam tak a pe bawk a. A u chu fâwpin an ṭap dûn ta a ni.

Jakoba inngaihtlâwmna hian a û Esauva rilru pawh a hneh hlê niin a lang. An chanchin aṭang hian inngaihtlâwm chu inremna a ni tih a chiang a. Kan tlâwm ngamna chinah zêl mi dang pawh kan remin kan hneh thei dâwn a ni.