AMA THU NGAI RAWH U

LUKA 9:33-35
Tin, heti hi a ni a, chu mite chuan Isua an ṭhen dâwn laiin, Peteran Isua hnênah, “Zirtîrtu, kan tân heta awm hi a ṭha e; bâwktê pathum kan khawh ang e; i tân pakhat, Mosia tân pakhat, Elija tân pakhat,” a ti a – a thusawi pawh hre lovin. Tin, chûng thu chu a sawi laiin chhûm a lo zîng a, anmahni a hliah ta a; chhûmah chuan an luh laiin an hlau va. Tin, chhûmah chuan aw a lo chhuak a, “Hei hi ka Fapa, ka thlana chu a ni, ama thu ngai rawh u,” a ti a.

Isuan a tuar leh a thih tûr a zirtîrte hnênah a sawi a, Jerusalem-ah kal a krawsa a tuar tûr a hnai tawh tih pawh a hrechiang a. Ṭawngṭai tûrin tlângah a zirtîrte nên an chho va. A ṭawngṭai laiin a hmêl a lo danglam hial a ni.

Khawchhak Kohhran chuan hmêl danglamna tlâng hi Tabor tlâng (Ft. 10,000) hi niin an ngâi a, Isua hun lai hian kulh a awm nghe nghe. Ṭhenkhat chuan Peteran Isua nihna a puanna hmun Kaisara Philippi (Mk 8:27) aṭanga hnai zâwk Carmel tlâng feet 9,200 a sâng hi ni zâwkah an ngai bawk. Peteran a thu sawi hi a hrechiang lo a ni mai thei – a thusawi pawh hre lovin tih a awm. Isua thu kan ngaihthlâk a va ṭûl êm!

LALPA, vantlang zîngah,
I aw hre theiah min pui la.
Ka damchhan ka kumkhaw hla pawh;
Nang lo ni ber ang che.

Isua thu ngaithlatuten malsawmna an chang.