LO RAH TAWH SUH ANG CHE

MATTHAIA 21:18-19
Tin, zîngah khawpui lama a kîr leh laiin a ril a lo ṭâm ta a. Tin, kawng sîrah chuan theipui kûng a hmu a, a va pan a, a hnah chauh lo chu eng mah a hmu lo va. Tin, a hnênah, “Kumkhuain lo rah tawh suh ang che,” a ti a. Tin, theipui chu a vuai ta nghâl mai a.

Israel ram hi thlalêr a nih avângin nisa leh khawlum hliahtu atân Theipui kûng a ṭangkai hle. Ṭum hnih lai kum khatah a rah ṭhîn. Nathanaela pawh theipui kûng bulah a awm kha (Jn 1:48). Ram tiam pawh theipui awmna ram a nih tûr thu a sawi a ni (Deut. 8:8). Theipui hnuaia ṭhut a thlamuanthlâkzia kan hmu (l Lal 4:25; Mik 4:4; Zak 3:10).

Isuan Theipui kûng a hau hi a tih âwm lo tak niin a lang. Zâwlneiten Israel chu theipui kûng nên an tehkhin a (Jer 8:13; 29:17; Mik 7:1-2). Khawvêl tân êng chhi a rah chhuah tûr an nih laiin a ni lo lamah an pêng a, AD 70-ah Rom hovin Jerusalem chu an tichhe ta vek a nih kha. Rah chhuah si lo chu kan LALPA hian a ngaithei lo. An rah-ah in hre mai ang a ti.

Thlaraua bul ṭan, tisaa zovin lal rawng i bâwl em le?
I kal thui zêl ang, i thil tih hmangin chhandam i intum a!
I hriatna, thiamna zawngte hmachhuanin Lal thu i sawi ṭhin em?
I mualphonna zâwkah Lal a lo mawi ang.

Rah chhuah lo ringtute hi Isuan eng tin nge a tih ang?