KHAWIAH NGE KAN BO? THEN 2-NA

— Chhantea (Oriela patea)
E. Lungdar

KHAWIAH NGE KAN BO? (Ṭhen 2-na)

B/r:- Luka 15. Mat 18:12-14.

Duli bo (piangthar lo te kawng)

Duli hian nunna a nei lo a. A hlû tih pawh a inhre hek lo. Mahse, a neitu tân a hlu êm êm thung a ni. Hetiang chiah hian mihring ni ve si, mahni mihringpuite lakah pawh sual avânga hlutna nei lo, engah mah an ngaih loh, misual an tih pawh ni mah ila… min neitu leh siamtu tân chuan kan hlu êm êm a ni.

Duli chu a hlutna lang tûrin a bona aṭanga hmuh chhuah a ngai ang hian nang leh keipawh hi kan hlutna leh kan nihna lang tûrin thlarau thianghlim phiahchhuah theih a kan awm a ngâi a ni.

Tûnah khân i nihna i dinhmun mêkah misual, mi zîngah pawh awm tlâk lo, mi bawlhhlawh ang pawhin i inngâi a ni mai thei. Mahse, nunna neilo duli bo pawhin hlutna a nei anih chuan nangmah siamtu leh neitu tân chuan i hlu êm êm a ni tih hria la hringnunah hian beidawng ngai suh ang che.

Lalpa’n a thu malsâwm rawh se.