HLAUH TÛR DIK

MATTHAIA 10:28-33
Tin, taksa tihluma thlarau tihlum thei lotute chu hlau suh ula; Gehenna-a thlarau leh taksa tiboral theitu chu hlau zâwk ang che u.

Kan Lal Isua khân amah zuitutena tihduhdahna an tawrh tûr a hmu tlang vek a. Amah ngei pawh tiduhdahin an tihlum ang a, a zuitute pawh nasa taka tuarin an la tihlum ve hial hlawm dâwn a ni tih a hre reng a. Chuvângin, hlauh tûr leh hlauh loh tûr an hriat chian a duh avângin he thu hi a sawi a ni. Amah zuitutena an hlauh loh tûr a kawhhmuh chu taksa chauh tihlum thei, thlarau erawh chu tihlum thei lote an ni a. Hlauh tûr dik tak chu an taksa leh thlarau tihlum ve ve theitu Pathian a ni.

Kristiante tihduhdahnate hi lo hmachhawn chho ve tak tak ta ila eng nge kan an ang aw? Petera ang khân kan Lalpa hi kan phat ve mai ang tih a hlauhawm hle. Englai pawha hmutu leh hrechiang êm êmtu i Pathian hi i mihringpuite aia i țih leh i hlauh zawk tûr a ni e.