LEI VE ZÂWK RAWH U

MATTHAIA 25:9-10
Nimahsela, a fingte chuan, ‘Keini leh nangni tân a daih lo vang e; a zuartute hnênah kal ula, lei ve zâwk rawh u,’ tiin an chhâng a. Tin, lei tûra an kal bo hlân chuan mo neitu chu a lo thleng ta a; tichuan, a peihte chu amah nên lawi chaw eiin an lût a; tin, kawng chu an khâr ta a.

Nula sâwm tehkhin thu hian Isua hmuak tûra inrin a ṭûlzia min hrilh. Nula thianghlim sâwmten mo neitu an hmuak a. A fingte chuan khâwnvâr leh a tui an ken belh a, a âte chuan a tui ken tel nachâng an hre lo. Mo neitu a lo thleng a, nula âte chu an khâwnvâr tui kenin a daih lo va. An lei hlânin an kalsan a, a hmun va thleng ve mah se, moneitu ruala an kal loh avângin mo lawmnaah an lût thei lo.

LALPA a lo kal hun atân englai pawha kan inpeih a ṭûl. Tumahin min rin kêp theih loh avângin thlarauva Pathian zâwmtu kan nih a ngai. Pathian hian fa a nei a, tû erawh a nei lo. A fa kan nih vek theih nân a tlai hmâin a hnên i pan ang u.

Aw nangni, LALPA lo kalna nghâkte u,
Muhîlte tho rû, ṭawngṭaitîr rû;
Vâna moneitu a lo thleng thuai dâwn e,
En teh khi, a lo kal mêk a ni.

I Pathian tâwk tûrin i inpeih tawh em?