MI HAUSA Â

LUKA 12:19-20
Tin, ka thlarau hnênah, “Thlarau, kum tam tak chhûng atân sum tam tak i khâwl hi; châwl la, eiin bâr la, hlim takin awm rawh,” ka ti ang,’ a ti a. Nimahsela, Pathianin a hnênah, ‘Mi â, zâninah hian i thlarau an lâksak dâwn che a ni; i thil deh chhuahte kha tu ta nge ni ta ang le?’ a ti a.

Khawvêl hi kan awm hlenna tûr ang ziazângin kan inla khâwmin inhâi vûr vak kan tum ṭhîn. Lal Isuan khawvêl sum hausakna hi kan damchhan a nih lohzia sawiin mi hausa tehkhin thu a sawi (Job 1:21).

Sum ngah hian hlimna leh thlamuanna min pe thei lo (Tim 6:7). Pathian ring lo va, kan thil neih rin a awl hlê. Jim Elliot-a chuan, “A hloh theih tawh loh tâna a kawl hlen theih loh pe chhuaktu chu mi â a ni lo,” a ti. Chatuan ro khâwl ṭan rawh le.

Ringtute u, thupêk khauh tak mai kan hmu,
“Kal ula, Chanchin Ṭha hril rawh u,” a ti.
Kal chhuak thei lote pawhin,
Mawhphurna lian tak kan nei
Thilpêka rawngbâwl tûrin Lalpa’n min ko.

Chatuan ro khâwlna châng hre lo chu mi â a ni.