ZÛK LEH HMUAM I SIM THEI

LEVITICUS 20:7
Intithianghlim ula, thianghlimin awm rawh u: kei hi Lalpa in Pathian chu ka ni si a.

Central India lama mite khuan Mizo leh Naga hi inang min ti khawp a. Min thliar hran ve dân chu ‘Naga kâ aiin Mizo kâ a bâl zâwk’ tih a ni. A zahthlâk hlê mai. Mi mal leh chhûngkua ang chauh pawh ni lovin, a hnam pum pui ang pawhin min tihmingchhia tihna a ni a, bânsan daih chi a ni. Hêngte hi i han ngaihtuah zui teh ang le –

1. Kumkhuaa mei zial zu tawh lo tûrin bâwm tam nghei a ngai lo, fawh khat chauh nghei a tâwk.

2. Kumkhuaa pânkhâwr ei tawh miah lo tûrin khâwr tam nghei a ngai lo, khâwr khat chauh nghei a tâwk.

3. Kumkhuaa khaini, sahdah leh tuibûr hmuam tawh lo tûrin bûr tam a ngai lo, hmuam khat chauh a tâwk.

Zûk leh hmuam nghei hi chu ṭawngṭai kher lo pawha kan tih ve theih tûr ni âwm tak a ni. Unau duh tak, i sim dâwn nge i la tizui zêl dâwn?