PA HMANGAIHNA

LUKA 15:21-22
Tin, a hnênah a fapain, ‘Ka pa, vâna mi chungah leh nangma mit hmuhin thil ka tisual e; i fapaa vuah tlâk ka ni ta lo ve,’ a ti a. Nimahsela, a pa chuan a bawihte hnênah, ‘Puan ṭha ber kha han la thuai ula, han sintîr rawh u; a kutah zungbun te, a kephahah pheikhawk te buntîr rawh u.

Judaten ro an semin fa û zâwkin hmun thum a ṭhena hmun hnih a chang ṭhîn (Deut 21:17). Fapa naupang zâwkin a pa hnênah ro a chanai a dîl a, sum chu nuam tâwl nân a hmang ral zo ta vek mai a. Harsatna a tawh hnu chuan a inhrechhuak a, pa in nawmzia leh a chhuahsan chu a tih dik lohzia a hre chhuak a, a pa hnênah ngaihdam dîlin a kîr leh ta a. A pa chuan hmangaih takin a lo ngaidam a ni.

Pathian hnênah ngaihdam dîl ila, kan sual min ngaidam ang! (Sam 32:5; 1 Jn 1:9). I awm angin lo kal la, Pa Pathian pan rawh.

Kei mi sual, a tilungngai leh timualphotu,
Ka tâna hmun a phal chuanin;
He khawvêl pâr ka hmêlma hi ka ngai lo vang,
A vul lâi rêng a tawi lua e.

Pathianin faah min pawm a, roluahtuah min thlang.