SUM ENKAWLTU FING

LUKA 16:10-11
Tu pawh tlêm te chunga rinawm chu tam tak chungah pawh a rinawm ṭhîn; tu pawh tlêm te chunga rinawm lo chu, tam tak chungah pawh a rinawm lo ṭhîn a ni. Sum lem chungah mah in rinawm loh chuan, tuin nge sum tak chu kawltîr ang che u?

Hausak hi amah maiin sual a ni lo, mihringpuite tâna malsâwmna nih theihna kawngka a ni.

Khawvêlah mi hausaten mi rethei an pui a, mi retheiten nakin atân mi hausate an ṭanpui. St. Ambrose-a, Milan Bishop chuan, ‘Mi rethei pum pui, hmeithai in, naupang kâ te chu chhêk in, chatuan daih tûr an ni,’ tiin (Mt 10:16). Leia kan ṭanpuite chu hetah kan ṭhian an ni ang a, nakinah vânah kan ṭhian an ni bawk ang. Khawvêl miten fing taka thil an tih chuan keini pawh fing taka kan chêt ve a ngai a ni.

Lalpa, sum ka ngainep a,
Rangkachak tangka nên;
Vânram chu ka thlang zâwk e,
A chhûnga ka luh nân.

Pathian leh sum rawng kan bâwl kawp thei lo. Sum enkawltu fing nih i tum ang u.