HRUAITU MITDEL

MATTHAIA 15:12-14
Chumi lai chuan a zirtîrte an lo kal a, a hnênah, “Pharisaiten kha thu kha an hriata an lungnih loh kha i hria em?” an ti a. Ani erawh chuan, “Kûng zawng zawng ka Pa vâna mi phun loh chu pawh chhuahin a awm ang. Anni chu pawisa suh u; hruaitu mitdel an ni. Tichuan, mitdelin mitdel vêk a hruai chuan khuarkhurumah an tla dûn ang,” a ti a, a chhâng a.

Pharisai-te hi thlarau mit meng lo, pâwnlânga hruaitu leh intisakhawmi êm êm an ni a. Anni hi ‘hruaitu mitdel’ tia Isuan a sawi hi an ni. Mitdelin mitdel vêk a hruai chuan khuarkhurumah tla mai tûr an ni ang bawkin Pharisai-te kaihhruaina zâwmtute chu an boral dâwn a ni.

Nu leh pa hi chhûngkuaah chuan fate hruaitu kan ni a. Kan thlarau lam mit a del chuan kan fate hremhmunah kan luhpui mai ang tih a hlauhawm hlê a ni. Chutiang zêlin Kohhran hruaitute pawh kan berâmte kawng kawhhmuhtu tûr kan ni a. Kan thlarau mit a del tlat chuan kan berâmte nunna kawngah kan hruai thei lo vang. Hruaitu mitdel ni lovin, hruaitu mitvar nih i tum ang u.