MI HAUSA LEH LAZARA

LUKA 16:19-21
Tin, mi hausa tu emaw a awm a, puan senduk leh puan zai sîn tak a sin a, ni tin nuamsa takin a awm ṭhîn; tin, a hming Lazara, kutdawh pakhat, pân bawm khah lûk, a kawngkhâr bulah an muttîr ṭhîn a, mi hausa dawhkâna ei nawi tla chu ei a duh a; uite lah chuan a pânte an lo liahsak ṭhîn a.

Mi hausa leh Lazara an thi a, pakhat hremhmunah, pakhat Abrahama ângchhûngah a châwl a ni (Mt 25:41-46). Mi hausa hi a tih loh sual a tuar niin a lang. Mi hausa hian Lazara kha a khawngaih leh a ṭanpui thu kan hmu lo.

Hausak avânga hremhmun kal a, retheih vânga vânramah kal a ni kher lo. Min khalhtu eng nge? Pathian nge sum? Ngaihsân tûr ngaisâng lova kan lo awm tawh a nih pawhin sim a Isua hnên kan pan a ṭûl. Thutlûkna ṭha siamin Isua hnên i pan ang u.

LALPA, ka lo kal,
Nangmah bêl tûrin;
Bualin, silin min tlêng la,
I thisen hlû luang khân.

Kawngka zima kalte vânramah an kal ang.