JEHOVA – JIRE

GENESIS 22:14
Tichuan, Abrahaman chumi hmun hmingah chuan Jehova-jire a vuah a; vawiin thlenga, “Lalpa tlângah ngaihtuah a ni ang chu,” an tih ṭhin ang hian.

‘Jehova-jire’ tih hi ‘Lalpan a hmu’ tih emaw ‘Lalpan a tumsak’ tihna emaw a ni a; ‘Lalpa intumchawpna’ ti pawhin a sawi theih bawk âwm e. Abrahama leh a fapa Isaaka’n Moria tlâng an pan laiin Isaaka’n a pa hnênah, “En teh, mei leh thing chu a awm a; nimahsela hâlral thil hlan tûr berâm no chu khawiah nge a awm ?” tiin a zâwt a. A pa chuan, “Ka fapa, Pathianin ama tâna hâlral thil hlan tûr berâm no chu a ngaihtuah chawp mai ang chu,” tiin a chhâng kha a ni a (Gen 22:7,8).

An kal lama an hmuh rêng rêng loh, berâmpa, a ki thing hnawka tâng chu Isaaka aia hlan tûrin pêkin an awm ta a. Pathian intumchawp vâng liau liau a nih hrerengin chu tlâng Chu ‘Jehova-jire’ tiin Abrahama’n a vuah ta a ni. I ui ber i chân ve ngamnaah zêl Jehovajire hi i hmaah Lalpa’n a buatsaihsak ang che.