ZAKAIA

LUKA 19:8
Tin, Zakaia chu a ding a, Lalpa hnênah chuan, “Ngai teh, Lalpa, ka sum zâtve pachhiate hnênah ka pe ang a; tin, tu lakah pawh thil eng pawh lo hlêpru ila, a leh liin ka rûl leh ang,” a ti a.

Rom sawrkar hnêna chhiah pêk tûr hi a chhang huai apiang hnênah an pe ṭhin. Khawn tûr an tih aia tam an khawn a, tam tak an hlêp ṭhin avângin mipuiten an hua a ni.

Zakaian Isua chu mi eng ang mi nge anih hmuh a duh a, a kalna tûr lamah lo va tlân khalhin theipui kûngah a lâwn a. Isuan Zakaia chu a ko thla a, a inah a thleng ta a (Mt. 11:19). Zakaia chu a lâwm êm êm a, a thinlung pawh a inhawng nghal. Isuan Jeriko chhûn pelh a tum pawh Zakaia avângin a khawtlai ta a ni. Zakaia hi thu chauhvin a piangthar lo va, thiltihin a piangthar tel a ni.

Mahse, ka LALPA hmangaihna ropui chuan,
Mi sual sim a ngaidam;
Simin ka lo kal e, aw LALPA, (2)
Ka sualna ngaidam rawh.

Zakaia anga piangtharin tih dik loh siam ṭhat kan tum em?