PAULA LEH LUNGAWINA

PHILIPPI 4:11-12
Ka tlâkchham thu sawi zawng ka ni lo ve; kei zawng eng ang pawhin awm mah ila, lungawi zêl ka chîng tawh si a. Tlâwm taka awm dân ka thiam a, hausaa awm dân pawh ka thiam bawk a; thil tinrêngah leh thil zawng zawngah tlai leh rilṭâma awm dân, hausa leh tlachhama awm dân thurûk chu ka hre chhuak tawh.

Hausaa awm dân te, mi lian deuhva awm dân te leh changkâng deuhva awm dân te hi thiam mai a awl hle a. Chûng aṭanga tlâk thlâk a, dinhmun harsa leh tê zâwka awm hi mi tam takina kan thiam loh a ni ṭhin.

Paula hi mi thiam chungchuang, eng pawh thawk se ei hmu tûr, chhuan tûr pawh ngah tak mi a ni a. Krista Chanchin Ṭha avângin tihduhdahna te, tlâkchhamna te leh hrehawmna a tuar nasa hle a. Chuti chung chuan engkimah a lungawi thei zêl a ni. A lungawi zêl theihna hi a inngaihtlâwm vâng a ni a, inngâitlâwm thei apiang hi lungawi thei dinhmunah an ding ṭhin a ni.