PATHIAN HNATHAWH LANNA TÛR

JOHANA 9:3
Isuan, “He mi hian a tisual lo, a nu leh a pain an tisual hek lo; Pathian hnathawh a chunga a lanna tûr a nih zâwk hi.

Juda-ten sual avânga natna tuarah an inngai a. Pian tirh ata mitdel pawh a zirtîrten a tisualtu chu amah nge a nu leh pa tiin Isua an zawt hial a ni. Kan tihsual apiangin na dâwn ila dam ni hmêl kan hmu khât viau lo vang maw?

Sakhaw dang zuitu mi tam takin an tihsual avânga tuar niin an inngai ṭhîn. Puh tûr an hriat loh chuan an pian hmasak zâwka an tihsualah an ngai ṭalh ṭhin. Ei leh in, zûk leh hmuam, ruih theih thila kan inhnamhnawih, adt. avânga ṭul lo taka kan tuar châng chu a awmin a lang. Isuan mitdel a tihdam khân Siloam dîl, Jerusalem hmârchhak kila awmah chuan va kala sil tûrin a tîr a. Thu awihin a sil a, a mit a vâr ta a ni. Isua thiltihtheihna hi thu awihna avânga chan a ni ṭhîn.

An sawi aiin min khawngaih zâwk (2)
Isuan min va khawngaih êm ve!
Sawi aiin min khawngaih.

Taksa leh thlarau damna petu Isua pan rawh.