TUIFINRIAT

SAM 33:7
Ani chuan tuifinriat tuite chu englo dah khâwm thûr angin a tikhâwm a; Tui thûk takte chu dah khâwmna inahte a dah ṭha ṭhîn.

Mi thiamte chuan khawvêl hmun thuma ṭhena hmun hnih hi tuiin a khuh a, hmun khat hi khawmualin a awh ve thung niin an sawi a. Tuifinriat chhûngah hian tuizangkhauh lai lui anga luangte pawh a awm nia sawi a ni bawk. Tuifinriatah hian sangha leh nungcha dang mawi tak tak hmuh tûr a tam hle a. Mihring chu sawi loh, ran sa lian tak tak dawlh thei khawpa sangha lian pawh chi hrang tam tak a awm.

Tuaifinriata nungcha kan tih hi a tam ber chu ei chi a ni a, ei tlâk pawha kan ngaih loh, Octopus-te hi hotel-ah pawh a to êm êm a ni. Thlâi lam chi nunna nei mawi tak tak pawh a tam hle a. Ran chaw atâna ṭha tak takte pawh tuifinriat nungchate aṭang hian ram changkâng deuhte chuan an siam chhuak ṭeuh ṭeuh ṭhin. Tuifinriat leh a chhûnga chêng mawi tak takte kan thlîr hian a siamtu ropuizia leh themthiamzia i ngaihtuah chhuak ṭhîn ang u.