TU NGE ISUA?

JOHANA 8:49-50
Isuan, “Ramhuaizâwl ka ni lo ve; ka Pa ka chawimawi a ni zâwk e, nangnin ka hming in tihchhiat hi. Nimahsela, mahni mawina zawng ka ni lo; a zawngtu leh a ngaihtuahtu mi pakhat a awm a ni.

Isua nihna hi a thu ngaithla fo ṭhinte pawhin an hre fuh hlei thei lo. Rin dân, ngaih dân leh thlîr dân an neih chu Isuan theihtâwpa a hrilhfiah pawhin an ngaihdân an sawhsawn thei lo. Juda mi tam takten tisaa Abrahama thlah an nih an hmachhuan a, ‘Pathian, kan pa’ an ti kher ṭhîn. Isuan, ‘Pathian fa ni ve ula, kei hi mi tihhlum in tum lo tûr,’ a ti. Pathian Fapa a nih an pawm lo va, ramhuai zâwlah an ngai (Jn 7:20; Mk 3:22).

Isuan mahni mawina a zawng lo, amah chawimawitu chu Pa Pathian a ni (Jn 17:1; 1 Pet 2:23-24). ‘Amah ka hria a, a thu ka zâwm ṭhîn’ tiin a sawi. Pathian faa a inchhâl an hre thiam lo. Abrahama awm hmaa awm a nih pawh an pawm lo.

Ka sual zawng zawng aman min tlâksak,
Haleluia! A hmingin.

Isua hi chhandamtuah i pawm em?