SALTE HNÊNA CHHUAHNA

ISAIA 61:1-3
Thuhnuairawlhte hnêna chanchin ṭha hril tûra Lalpan hriak mi thih avângin, Lalpa PATHIAN thlarau chu ka chungah a awm; ani chuan, thinlung lungchhiate tuam tûr te, salte hnêna chhuahna thu leh mi tângte hnêna tân in hawnna thu sawi tûr te, Lalpa lungawi kum thu leh kan Pathian phuba lâk ni thu sawi tûr te, lungngai zawng zawng thlamuan tûr te, vut aiah pangpâr ṭhi hrui te, lungngaih aiah hlimna hriak te, nguina thlarau aiah fakna silhfên te an hnêna pêkah, Zion-a lungngaia awmte tân ruat tûr tein mi tîr a ni.

Zâwlnei Isaia hi Hosea leh Mika hun laia mi niin chhûngkaw khawsa thei tak aṭanga seilian a ni. Isaia hian Pathian rorêlna a lo thleng dâwn a, Pathian ṭanpuina lo chuan eng hnam leh tu mihring mah an inchhandam thei lo tih a tlângaupui a ni. Sual beihin i awm em? Sualin a thunun che em? Eng bâwihah nge i tân? Zalenna dâr rimawi a rî e, tlân chhuak rawh le!

Kraws thisenah silfai ka ni a,
Suala phuarte zalen kan ni ta;
Zalenna hla mawi chu ka rem ve tawh e.

Isuan sual ata a chhuah zalên che a, amah pan rawh.