HNAM TIN TÂN CHHANDAMNA

SAM 98:2
Lalpa chuan a chhandamna chu a hriattîr a; A felna chu hnam tin mit hmuhah chuan fiah takin a lantîr ta a.

Sam bu hi Isaia bu tih lohah chuan ṭawngkam bungraw ngah ber a ni. Sam 119 chu Hebrai A AW B (Aleph Beth) indawta (acrostic poem) tluantling taka ziah vek a ni. Sam bu hi nun dân ṭha, tuarna, simna leh lawm thu sawinain a khat.

Israel fate kha Pathian hnam thlan intiin an induh hlê. Mahse khawvêl hi Lalpa hnuaia kûn a, amah fak tûr an ni. Lalpa fak tûra sâwmna (96:1-3) leh Jentailten amah chibai bûk tûra sâwmna kan hmu (Sam 96:7-10).

Chhandamna kan hmuh hi keini Zofate pawh hrilh darh tûrin Lalpan min ti. Hawh u, Lalpa lo kal leh hma ngei hian chu hna chu ṭhahnemngai takin i thawk zêl ang u.

Harh ru, Zofate harh ru,
Hnehna ropui kan chang thuai ang;
Kan Pathian hmingin puanzâr,
Kan zâr ngei ang khawvêlah.

Chanchin Ṭha hi engtin nge i hrilh darh ve le?