INAWMPUI CHUNGCHÂNG (AWMPUITE TÂN)

KOLOSSA 3:22-24
Bawihte u, tisaa in hotute thu hi engkimah zâwm rawh u, mihring tilâwmtute mai anga mit rawng bâwl lovin, thinlung sakhat vuaa Lalpa ṭih dêk chungin zâwm zâwk rawh u. A rulhna ro luah tûr chu Lalpa hnên ata in hmu dâwn tih hriain, in tih apiang chu mihring tân anga ti lovin, Lalpa tân anga ti zâwkin, châk takin ti rawh u; Lalpa Krista rawng in bâwl a nih hi. A rulhna ro luah tûr chu Lalpa hnên ata in hmu dâwn tih hriain, in tih apiang chu mihring tân anga ti lovin, Lalpa tân anga ti zâwkin, châk takin ti rawh u; Lalpa Krista rawng in bâwl a nih hi.

Bawihten an pute hna ṭul an thawhsakte pawh Lalpa rawngbâwl an nih thu Paulan min hrilh a. Mi ina awmten hêngte hi chhinchhiah ni se —

1. Awmnate hna ṭul apiang ṭha taka thawh hi Pathian rawngbâwlna chi khat a ni.

2. Thil chheprelh leh a rûka thiltih chîn loh a ṭha.

3. Rin ngam tûr khawpa rinawm a ṭha.

4. Lâwmna leh lâwm lohna te leh hriatthiam loh thilte awmnate hnêna sawi a, zawh ṭhin tûr a ni.

5. Inngaitlâwm taka awm a ṭha.

6. Awmnate thurûk hriat tum loh a ṭha.

7. Awmnate awm loh hlâna thu pawimawh awmte chu ṭha taka chhinchhiah a, an awm huna hrilh tûr a ni.