I HMANGAIH KHA A DAMLO VE

JOHANA 11:3
Tin, a farnuten Isua hnênah, “Lalpa, ngai teh, i hmangaih kha a damlo ve,” tiin mi an tîr a.

Isua chu Jordan lui râl lamah Johana’n a tîra, a baptis-naah a kal ta a, mi tam takin an ring a (Jn 1:28). Dodalna kârah a hna thawh a ṭhulh lo.

Bethani khua hi Jerusalem kiang hnai te, Olive tlâng chhak lam Jeriko kawnga awm, km hnih vêl leka hlâ a ni. Lazara te khua niin Isua hriak thih a nihna hmun kha a ni. Isuan hahchawlh nân a hman fo chu Marthi-te in hi a ni. Isuan a hmangaih a, anni paw’n an hmangaih ve hlê. Isua an koh pawhin Lalpa i lo kal hman hrâm em ti lovin hrilh kha tâwkah an ngai.

Kan zîngah Lalpa hmangaih damlo an awm em? Marthi-te angin Isua i sâwm ve ang u. Mi zawng zawng chhandama awmah leh thutak hriaa duhtu hian kan sâwmna a hnâr lo vang (1 Tim 2:4).

Diltu lo kal apiangten, “Aw Lalpa,
Min pui rawh,” tiin,
“Ka ṭanpui ang che u,” i tih ṭhin kha,
Ka rin chhan ber a ni.

Isua hmangaihnain a ban phâk loh tumah an awm lo.