PHELH ULA, KALTÎR RAWH U

JOHANA 11:41-44
Tin, mitthi chu a kut a ke thlân puana tuam chungin a lo chhuak ta a, a hmai pawh inhrûkna puana tuam a ni a. Isuan an hnênah, “Phelh ula, kaltîr rawh u,” a ti a.

Isuan Lazara a kaihthawh dâwn hian thlân lung châwi sawn tûrin a ti a; Marthi a mangang a, ni li lai a ni tawh si a, a rim a chhia ang a lo ti chûl mai. Lal Isua thiltihtheihna hmu tûr chuan a thu awih phawt a ṭûl. Lung chu an chawi sawn a, Isua chu Pathian hnênah lâwm thu sawiin a ṭawngṭai a, Lazara a kut leh ke thlân puana tuam leh a hmai pawh inhrûkna puana tuam chungin a tho leh ta!.

Kan vêlah hian thil ṭha lo hrang hrangin a tuam an va tam êm! Lalpan nang leh kei hi phelh a, kaltîr tûrin min ti. Lalpa thu i zâwm dâwn em?

Ni li a liam ta, beiseina a bo,
Lalpa, a rei lua e,
Kan va hrethiam lo êm!
Mahse, Lal remruat hian lei mi dân a khûm zo,
Ni li pawn tlai se, a hunah a thleng, a va ropui êm!

Lal Isuan sual phuarna phelh a duh, amah pan rawh.