PERGAMOS KOHHRAN

THU PUAN 2:12-15
Khandaih hriam tawn hriam tak neia khân hêng thu hi a sawi a ni: I awmna, Setana ṭhutphah awmna kha ka hria; tin, ka hming i vawng tlat a, ka thu hretu Antipa, Setana awmnaa in zînga an thah, ka mi rinawm tak awm lai meuh pawh khân mi rinna hi i phatsan lo bawk a. Nimahsela, tlêmin demna che ka nei, khata Balaama zirtîrna thu pawm tute emaw in awmpui avâng khân; ani chuan milem biakna sa an eina tûr leh an inngaihna tûrin, Balaka chu Israela thlahte hmaah tlûkna dah a zirtîr kha.

Pergamos-ah hian milem pathian chi hrang hrang biak in a awm hlawm a. Kaisara biakna hmunpui a ni bawk. Hetiang a nih avâng hian ‘Setana țhutphah awmna’ a ti a ni ngei ang. Pergamos Kohhranin tihduhdahna an tawrh laiin Antipa pawh thah a ni a, chuti chung pawhin Lal Isua hming an la țan tlat a ni. Hetiang a ni chung hian Balaka zirtîrna leh Nikola zirtîrna pawmtute a kawl avângin tlêmin demna a nei a ni. Pergarmos Kohhran chanchin ațang hian kan Pathian hian pathian dang rawngbâwl a ngaih theih lohzia kan hria a. Pathian zaidam tak a nih rualin ‘Pathian thîkthuchhia’ a ni tih i hre reng ang u.