INTHLAHTHLAM LOVIN

TIRHKOHTE 28:23
Ni an tiam a, chumi niah chuan a thlen inah a hnênah mi tam tak an lo kal a; zîng aṭanga tlai lam thlengin an hnênah chu thu chu a hrilhfiah a, Pathian ram thu a hriattîr a, Mosia Dân Lehkha thu leh Zâwlneite Lehkhabu thuin Isua lamah anmahni a thlêm a thlêm a.

Paula chu Rom khuaah sipaiin an vêng chungin amahin in a luah a. Sunagog-ah kal thei lo mah se, Juda mi tam tak an lo kal khâwm a. Nilengin Pathian thu hrilhfiahin Pathian ram thu a hriattir a. Dân Lehkha thu leh Zâwlneite Lehkhabu hmangin Isua chanchin a hrilh a.

Agaban phuar a nih tûr sawi lâwk mahse Chanchin Ṭha hrilh a bâng lo. Juda ten an hnar hnuin Jentailte lam a hawi ta a (Tirh. 28:28). Praitorian sipaiten Chanchin Ṭha an dawn phah (Phil 1:13). Lal Isua hmu chiangtu ten a chanchin mi dang hrilh chhâwn zêl an duh, nang eng nge chanchin i sawi châk ber?

A hnathawh chhunzawm zêl tûr tu nge awm?
Kei hi min thlang ta, ka Lal Isuan;
Lâwm chungin Lalpa rawng ka bâwl ang a,
Thih thlenga rinawm tûrin.

Ṭhahnemngaihnain rah duhawm a chhuah ṭhin.