THIL TIH LEH RINNA

JAKOBA 2:20-21
Aw mi lawilopa, thiltih tel lova rinna mai chu eng mah a ni lo tih i hre duh em le? Min thlahtu Abrahama chuan a fapa Isaaka maichâm chunga a hlan lai khân, thiltih avângin thiam a chang a ni lâwm ni?

Thiltih tel lova rinna mai chu a famkim lo a ni. Abrahaman Isaaka maichâm chunga a hlan khân thiltih leh rinna an thawk dûn a, rinna chu a famkim tih kan hre thei. Paulan khawngaihna avânga chhandam kan nih sawiin thiam changte chu thil ṭha ti tûra duan kan ni a ti. Lalpa hming lam ringawt ni lo, a duhzawng titu chu vânrama lût tûr an ni (Mt. 7:21).

Chhandamna chu khawngaihna thilpêk ni mah se, kan rinna lan chhuahna chu hmangaihnaah leh thu awihnaah a rah chhuak. Rahabi’n enthlatute a hum avâng khân thiam changin a awm.

Khawngaihnaa chhandamten,
Rinnain ram tiam an kai;
Rinnaa amah vuantuten;
Hmangaihnain thil ṭha an ti.

Thil tih leh rinna hi a inkawp rem tûr a ni.