THLARAU RAH

GALATIA 5:22-23
Thlarau rah erawh chu hmangaihna te, hlimna te, remna te, dawhtheihna te, ngilneihna te, ṭhatna te, rinawmna te, thuhnuairawlhna te, insûmtheihna te a ni zâwk e.

Thlarau rah pakua Paulan a sawite hi bâwr thumah a ṭhen theih a. A bâwr khatna – hmangaihna, hlimna leh remna te hian Pathian nêna kan inlaichînna lam a kâwk a; a bâwr hnihna – dawhtheihna, ngilneihna leh ṭhatna te hian kan mihringpuite nêna kan inlaichînna lam a kâwk a; a bâwr thumna – rinawmna, thuhnuai-rawlhna leh insûmtheihna te hian mi mal nun a luhchilh thung an ti ṭhin.

Mizote hian thlarau thilpêk lam hi kan ngaisângin he lamah hian kan rualawt tlângpui a. Thlarau lamah erawh chuan ṭhan tumna leh rualawhna kan nei lo hlê ṭhin niin a lang. Biak In lama ringtu duhawm tak ni anga lang, in lama mi dangin ramhuai thlarau ang maia min lo hmuh leh site pawh hi kan awm ang tih a hlauhawm hle. Khawiah pawh Thlarau rah a lan chhuahna hmun chu a nuamin a zalên ṭhin.