CHUNG LAMA THIL AWM

KOLOSSA 3:1-2
Chutichuan, Krista hnênah kaihthawha in awm ve tawh chuan chung lam, Pathian ding lama ṭhu Krista awmnaa thil awmte chu zawng rawh u. Chung lama thil awmahte chuan in rilru nghat tlat rawh u, leia thil awmahte chuan nghat lovin.

Chhûngkaw tin mai hi changkânna umin kan phe suau suau a ni ber. Eng tikah nge kan um phâk ang le? Mihring rilru hian chin tâwk leh duh tâwk rêng a nei lo.

Krista hnêna khenbeh, a ruala kaih thawhte chuan chung lama thil awm an zawng ṭhin. An rilru pawh lei lamah ni lovin chung lamah a ni a awm ni. Mitthiten duh leh mamawh an nei lo. Kristaa khenbehte chu kan thih tawh avângin kan thihsan tawh khawvêlin min tibuai suh se. Eizawnna eng pawh ti ila duhâmna hi inthununtîr i tum lo ang u. Kan nunna Krista-ah thuhrûka a awm tawh avângin nun thar, hlimna, hmangaihna lo rah chhuak rawh se.

Krista chauh lo chu tu mah dang,
Min tilâwm an awm lo;
Hmangaihna leh lâwmna kumkhua,
Amah chauhvah ka hmu.

Chung lama thil awmah rilru i nghat ang u.