MIT FÎM

NUMBERS 22:24-25
Lalpa vântirhkoh chu grêp huan pal leh pal inkâr khuarah a ding a. Tin, sabengtung chuan Lalpa vântirhkoh chu a hmu a, pal chu a va nghêng a, Balaama ke chu palah chuan a nghêng bet a; tichuan, a vaw leh a.

Lalpa hruaina hriat leh a kawngkhâr, a phal loh hriat a ṭûl. Sum hman leh pêk chhuah zâtah Lalpa aw ngaihthlâk a ṭûl. Eng hna nge Lalpan a dah pawimawh hmasak? Lalpa râwn a va ngai tehreng êm! Nu leh paten kan fate hi eng nge kan duhsak ber?

Thlarau lam mit fiah lo nih ai chuan thlaraua mit meng fîm, chung lama rilru dah a, Isua lam entu kan nih ṭheuh a ṭûl a ni. Lalpa duh loh zâwng kan melhna lamah kan mit a kalhin a fiah lo zo palh ang e, Lalpa hruaina leh ti lo tura min dahna hmu thiamin a hruaina zui i tum tlat ang u.

Min hruainaah chuan ka kal ang,
Amah chu ka rin avângin;
Kalvari-ah chuan a thi a,
Ka tân a thi tih ka hria a.

Lalpa, i hruaina hmu fiah thei tûrin min pui ang che.