INKHAWM TAM

INKHAWM TAM

JOHANA 4:23
“Nimahsela, a hun a thleng dâwn, tûnah pawh a thleng tawh mêk, Pathian chibai bûktu tak takten thlarau leh thutakin Pa chibai an bûk tawh ang. Chutiang mi chu Pain amah chibai bûk tûrin a zawng a ni.”

Sakhaw hrang hrang vuantute hian Pathian kan nei ṭheuh mai a. Kan Pathian kan biak dan pawh a inang lo tlang hlawm hle a ni. Sakhaw khat vuan ṭheuh ṭheuh pawh kan Pathian kan biak danah kan inchen lo hlawm em em a, ṭhenkhatin nitina an biak laiin ṭhenkhat erawh chuan an Pathian an biak kawngah an chak lo hle thin a ni.

Vawikhat chu India mi Hindu tlangval hi California-ah chawlhni-a Kristiante inkhawmnaah a tel ve a. Nuam a ti em em a, Biak in leh a chhehvelte chuan a mit a titlai a, an Biak In sak dante chu ropui a tiin mawi a ti em em a. A ṭhianpa hnenah chuan, “Ṭhianpa, Biak in in nei ṭhain a nuam ka ti hle mai. India rama Temple lian tak tak ai pawhin a ṭhain a mawi a ni.” a ti a.

Mahse chu Hindu tlangval chuan a rilruin thildang a ngaihtuah a, Biak in mawi leh ropui tak nei si chawlhni-ah chiah an hmang a, nilai zanah mi tlemte te ṭawngtai turin an kal leh ṭhin chu mak a ti a. A ṭhianpa hnenah chuan, “Ṭhiana, engatinge hetiang Biak in mawi tak nei si chawlhkar khatah vawi hnih chiah inkhawm tur leh ṭawngṭai tura in kal mai le, a uiawm ka ti hle mai. India-ah chuan kan Hindu Temple-ah zing ni chhuah dawnah leh tlai ni tlak dawnin nitin ṭawngṭai turin kan kal ṭhin a, Mosolman phei chu nikhatah vawi 5 ṭawngṭai turin an kal khawm ṭhin. Engtin nge Kristian ni tur hian min beisei theih ang, keini chu nangni aiin kan ṭawngṭai tam a, in Pathian aiin kan Pathian lakah kan inpe zawk a ni” a ti a.

Biak in hi ṭawngṭai nan te, Pathian fak nan te, ringtute intihchak tawn nan te kan hmang tur a ni a. A tam thei ang ber kan kal tur a ni a. A tam thei ang ber kan inkhawm tur a lo ni.

Pathian chu thlarau a ni a, amah chibai bûktuten thlarau leh thutakin chibai an bûk tûr a ni,” a ti a. – JOHANA 4:24

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy