KAIHRUAITU MAMAWH

KAIHRUAITU MAMAWH

II Korinth 2:14
“Nimahsela, Pathian hnênah lâwmthu awm rawh se. Ani chuan Krista zâra hnehtu kawng zawhnaah min hruai zêl a; Krista hriatna rimtui hmun tina lên chhuahtîrtuah min hmang a ni.”

Mi tam tak chuan ṭhalaite, ṭhangtharte harsatna tawh hi sihal thlawkthei leh bâk nen an tehkhin ṭhin.

Heti hian an sawi thin, khawvel siamtirh a nih khan Sihal thlawkthei hi a awm a. Ramsa dang zawng zawng chu amah ang vekin a ngai a. Chhungkaw neih a duh a, ṭhian neih a duh bawk a. Chuvang chuan Sava-te chu chhungkua-ah leh ṭhianah a siam a, an bulah chuan a awm ve ta a.

An in an miau loh avangin Sava pakhat chuan, “Engvangin nge kan kiangah i lo khawsak ve? Keini chu Sava kan ni a, i thlawh ve theih deuh avangin kan zinga tel ve turah i inngai ringawt hi a dik lo. Nang chu Sazu i ang a, chuvangin an zingah chuan awm zâwk rawh” a ti a. Sihal thlâwkthei chuan Sava sawi chu dik hlein a hria a. Sazu kiangah chuan a awm ve ta a. Sazute chu a lakah an fel em em a. Mahse nikhua a lo rei a, Sazute chu an thlawh ve theih loh avangin awm ho chu harsa an ti a. An kal bosan ta vek mai a.

Sihal thlawkthei chu amah chauhin a awm ta a. Chuvangin vawiin thlengin a thlawk kual ta mai mai a ni an ti.

Chu sihal thlawkthei ang chiah chu ṭhalaite hi an ni a, naupang an ni lo va, puitling an ni bawk si lo a. Sangha an ni lo a, sihal an ni bawk si lo a; an tân chuan kawng zawh a harsa em em a ni. Chung ṭhalaite chuan kaihruaitu an mamawh a, kawngdika ke pen turin zirtirtu an mamawh a ni. Keimahni chuan ke kan pen ve thei mai a, mahse kawng dika ke pen tur chuan min kaihruaitu tur kan mamawh vek.

Kawng dika ke pen tur leh min kaihruai turin Lal Isua kan pan a, amah chu kan nghen tlat a pawimawh hle.

Thlêmnaah min hruai lût suh la, Mi sual lakah chuan min chhandam zâwk ang che.’ tiin. – MATHAIA 6:13

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy