MIDANGTE TAN

MIDANGTE TAN

1 JOHANA 3:18
‘Fate u, ṭawngka leh thu chauhvin i hmangaih suh ang u, thiltih leh tihtakzetin ni zâwk rawh se.’

Jewish thawnthu pakhat an sawi fo ṭhin hi a awm a. Hetiang hian an inhrilh ṭhin. Mi pakhat hian ṭhian pathum a nei a, pahnihte chu a kawmngeih deuh bik a, pakhat erawh chu a thurûk zawng zawng pawh a hrilh ngai lem lo a. Ṭhian naran ve mai atan a nei a ni.

Nikhat chu chupa chuan harsatna lian tak mai a nei a. A ṭhian pahnih kawmngeih bik em em te chu a hrechhuak thuai a. Mahse a ṭhianpa pakhat chuan tih tur dang pawimawh a lo neih avangin a ṭanpui hman ta lo a. Pakhat zâwk chuan “Ṭhianpa, khawi court-ah mah thu hriatpui turin ka ding ngai lo, khawngaihin min beisei lo mai rawh” a ti a. Chupa chu a beidawng em em a, ṭhianṭha-a a ngaihten an phatsan chu a rilru a na hle a ni.

Tichuan a ṭhian pakhat chu a hrechhuak ta a. A ṭhianpa, a ngainat loh ber chuan engtiklai pawha a ṭanpui theih thu leh Court hmaa a dinpui theih tur thu a lo hrilh a. Chutiang chuan an pahnih chuan Court-ah an inlan ta a. Vanneihthlak takin an buaina chu harsa lo takin an chingfel ta a.

Chupa chuan hetiang hian a sawi; mi tu pawhin ṭhian kan nei a, ṭhian ṭhenkhat chu sum duh avanga ṭhian mai an ni a, ṭhian ṭhenkhat erawh chu ṭanpuitu tak tak an lo ni. Kan mangan laia min hnaihtute hi ṭhian tak takte an lo ni, a ti.

Ṭhian tel lo chuan nun a kim lo, ṭhian tur erawh kan thlan fimkhur pawh a ngai hle a. Thil tam tak hi kan ṭhiante nena kan zir leh kan thiam a ni. Amaherawhchu tu pawh ṭhianah nei ila, kawng dika kaihruaitu zâwk leh ṭanpuitu zâwk nih hi kan tum tlat tur a ni. Lal Isua pawh misualte ṭhian tih a ni a. Amaherawhchu ani chuan chung misualte chu ṭhianah siamin a siamṭha ṭhin zâwk a ni.

Thu dik taka min chhâng ṭhîntu chu Ṭhian ṭha a ni. – THUFINGTE 24:26

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy