HMUINGILNA

HMUINGILNA

SAM 1:3
‘Ani chu lui kama thing phun, A hun taka rah ṭhîn, A hnah vuai ngai lo ang hi a ni a, A thiltih apiangah a hmuingîl zêl ang.’

Lal pakhat hian kawng lai takah lung lian tak a dah rup mai a. Kawnga rawn kalte chuan timak an ti em em a, Lal chu an dem hlawm hle a ni.

Lal thil tih chu miten hmu ve se dem ve se an ti a, an tlan pel zel a. A hnuah chuan putar rethei tak pakhat hi a rawn kal a, a thingput lai chu nghatin chu lung chu a dahtu lam demna pawh sawi lovin kawngpui sira dah tumin a chawi san ta nawlh mai a, vanneihthlak takin chu lung hnuaiah chuan lunghlu leh rangkachak leh pawisa tam tak a lo awm reng mai a. Chu putar chuan a han en a, tu ta mah niin a hre lo a, a nei ta hmak mai a. Hlim tak leh hlawhtling inti tak chung chuan a haw ta a ni.

Midangte duh loh, ani pawhin duh vang pawh ni loin a rilru ṭhatna leh felna avang chuan malsawmna a dawng ta a nih chu!

Pathian malsawmna hi kan dawng nasa em em a. Kan hmuh theih leh kan hriat theih piah lamah kan hriat loh leh hmuh theih loh lamah pawh nasa takin mal min sawm ṭhin a ni tih hi hriat tur a ni. Chu malsawmna chu Pathian ṭhatna leh hmangaihna anih vang a nih rualin he khawvela kan ṭhatna leh midangte sawisel lo a, midangte tana malsawmna kan nih ṭhin avanga kan dawn hi a tam hle bawk.

Mi dik leh ṭha, rinawm leh taima takte hi engtikni-ah emaw chuan an la hmuingil nge nge ṭhin a ni.

Sam 37:11-ah chuan, ‘Thuhnuairawlhte chuan ram hi an rochung ang a. Râlmuang takin an awm hle hle bawk ang’ a ti a ni.

Lalpan chapote in a ṭhiatsak a, Hmeithaite ramri chu a humsak ṭhîn. – THUFINGTE 15:25

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy