THLARAUVA KHAT

THLARAUVA KHAT

EFESI 5:18
‘Uain ruih chîng tawh suh u, chhiatna bul a ni e, Thlarauvin khat zâwk rawh u.’

School luh ni hmasa ber a ni a. Zirtirtu chuan naupang hnenah hmuh theihin dawhkanah NO fim vek a rawn chhawp chhuak a. A chhûngah chuan lung tereuh te te a dah khat vek a, zirlai hnenah chuan a khah leh khah loh a zawt a.

Zirlaite chuan, “A khat tawh e” an ti a. Zirtirtu chuan “A la khat lo ve” a ti a. A bag aṭang chuan lei nawi a ṭham chhuak a, NO fim chhûnga lung dahkhah tlatah chuan an han dah a, lung tê karah chuan a tla khâwm ta hlawm a. Zirtirtu chuan, “A khat tawh em” tiin a zawt leh a. Zirlaite chuan, “Tunah chuan a khat tak tak tawh e” an ti a, Zirtirtu chuan, “A la khat lo e” a ti leh a.

A bula tui chu no-in a suak a, a leih a, a rawn liam ta a, “A khat ta e” a ti a. Zirtirtu chuan, “Khat tawkah in inngai mai thei, mahse khah tawka liam a awm lo. Kan thinlungah Thlarau Thianghlim a khah theihna turin nitin atan hmun ruak kan siam ṭhin tur a ni” a ti a.

EFESI 3:14-19 chuan tihian min hrilh, ‘Hemi avâng hian Pa, lei leh vâna chhûngkaw tinrêng hming chawi chhana hmaah chuan ṭhingṭhiin ka kûn ṭhîn a ni. A thlarau zârah in chhûng lam nun tihchak nân a ropuina nasa tak ata thiltihtheihna pe che u sela, rinna avângin Krista chu in thinlungah chêng sela, hmangaihnaah zung kaiin phun ngheh in ni dâwn nia. Tichuan, mi thianghlim zawng zawng nên a hmangaihna zauzia te, seizia te, sânzia te, thûkzia te chiang takin in hre tlâng thei ang. Krista hmangaihna hriat sên rual loh chu in hria ang a, Pathian famkimna tinrênga tihkhah in lo ni ang.’ tiin.

‘“Ka lâwmna hi nangmahnia a awm reng nân leh, in lâwmna chu a famkim nân hêng thu hi in hnênah ka sawi a ni.’ – JOHANA 15:11

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy