FATE TANA KHAWLKHAWM

1 Timothea 6:19
‘Nunna, nunna tak tak chu an vawn theih nân, hun lo thleng tûr atân chuan lungphûm ṭha tak an tâna khâwl khâwm tûrin fuih rawh.’

Kum 1950 khan khawizu chi thar an siamchhuak a, chu khawizu chu savawm note ang pian bawmah an dah a. A hmelhmang chu naupang lawm atan pawha duhawm tak a ni.

Pitar pakhat hian a lei ve a, chu khawizu bawm chu a tiruak thuai a, an choka-a gas hunna chungah chuan a dah a, naupang ban phak loha awm a ni a, a tute chuan hmuhnawm an ti thei hle a, khawih an chak ṭhin hle a ni.

Pitar chuan chu khawizu bawmah chuan pawisa thir nawi hi a khawl thin a, a remchan apiangin a dah a, a 10 khat a, a tiruaka a dah leh thin a. A tute chuan mak an ti thei em em a. Chutiang chuan kum tam tak a ti thin a ni.

A tunu upa ber chuan college a rawn kal ve theih takah chuan lehkhabu leina tur te a mamawh a, mahse an mamawh ang zat pawisa an nei thei ta si lo a. Tukkhat chu khawizu bawmah chuan lehkha zial a awm ta tlat mai a. A chhungah chuan cheque a lo awm a.

Hun rei tak ata a piin pawisa thir nawi te te a lo khawl chu a lo pung a, pawisa tam tak, lehkhabu leina tur bakah thil tam tak leina daih a lo ni ta a. Chu pawisa chuan a tunuin college a zir chhung a daih ta hial bawk a ni.

A tunu chuan pawisa thir a hmuh apiangin a piin a chunga a thiltih a hrechhuak a, Pathian hnenah lawmthu a sawi ṭhin a ni.

Pawisa thir hi hlu tak a ni hran lo a, mahse tam tak an lo nih khan mamawh lei nan te, chhungkaw ei tur lei nan te hman khawp a lo daih a. College kal thei lo tur pawhin a kal theih phah ta a ni.

Thil te tak pawh hian thil ropui tak a tih theihzia kan zirchhuak a ni.