NUNIN PUANGCHHUAK

NUNIN PUANGCHHUAK

FILIPI 3:17
Unaute u, ka awm dân hi zir zêl rawh u. Entawn tûr keini min nei a, kan awm dân anga awmte chu en berah neih rawh u.

England ramah ṭhalai intawhkhawmna a awm a, chutah chuan khaw hrang hrang aṭangin kristian ṭhalai an fuankhawm a. An ramah chuan Isua Krista Chanchinṭha zau zawka puandarh a nih theih dan tur an rel a.

An sawihona aṭang chuan print media leh electronic media hmanga thehdarh te, pamphlet hmang leh radio aṭanga sermon programme siam te a tel a. Video siama film thehlar pawh an tum zingah chuan a tel a ni.

Chutia an thil tum an sawi mêk lai chuan hmeichhe pakhat, Central Africa lam aṭanga rawn kal chu rawn dingin an thu chu a rawn pawtchat a. Kalkhawmte hma-ah chuan, “Kan ram hmun ṭhenkhatah chuan Krista chanchinṭha puang darh turin thuhriltu emaw lehkhabu emaw kan kal tir ngai lo a. Kristian chhungkaw ṭha tak kan thlang a. Krista chanchinṭha thehdarhna tura kan duh hmunah chuan chêng turin kan kal tir ṭhin a ni. Kristian chhungkaw ṭha takte chuan an nun dan aṭangin chu khua-ah chuan Krista chanchin an puang ṭhin” a ti a.

Hmanlai chuan tihian an sawi thin, “Thu chuan a nawr a, entirna erawh chuan a pawt zawk ṭhin” tiin.

Kristian ṭha tak chu Bible kal thei ang a ni a. A chhûng thu, a bung leh châng sawiin puang chhuak lo mah se an nunin a puang chhuak ṭhin.

William Barclay-a chuan, “Kristian ṭha tak nun dan chu Chanchinṭha hre lote tân chuan chhiar nuam ber a ni” a ti.

1 PETERA 5:3 – In hote chungah intilal suh ula, pâwlhote entawn tlâk ni zâwk rawh u.

avatar
1 Comment threads
0 Thread replies
0 Followers
 
Most reacted comment
Hottest comment thread
1 Comment authors
John Doe Recent comment authors
  Subscribe  
newest oldest most voted
Notify of
John Doe
Guest
John Doe

țha hle mai

Copyright © 2017-2019 Our Daily Bread Mizo.
Privacy Policy