JUST DO IT

– Alan Lalremruatpuia
Lunglei, Serkawn

Josua 1:9
Thu ka pe che a ni lawm ni? Chak tak leh huai takin awm rawh; hlau suh la, zam hek suh: LALPA i Pathian chu i kalna apiangan i hnenah a awm zel dawn alawm,” tiin a sawi a.

Mimal tin hian hmelma kan nei ṭheuh a, chûng zînga kan hmelma lian tak pakhat chu HLAUHNA hi a ni.

He hlauhna hian i nun hmasâwnna tur a dâl tlat a, i ringtu nunkawngah a ni emaw, i khawvel nun i hmanna ah a ni emaw, nitina thil thar hmachhawn tur hian tlinglo, thei lo, chak lo ni-a inhriatna lian tak a neih tir ṭhin che a ni.

He hlauhna hian i hmaa tih-tur awm (mihring ngaihah chuan huphurhawm tak) i hmachhawn hma hauhvin a hlawhchham tir che a ni.

He hlauhna hi enge a nih chiah tih hi hrechiang hmasa la, he hlauhna hi i hneh thei a, i kal pêl thei a ni tih hre reng ang che.

I ngaihtuahnaah khan thil theihloh (impossible) ni-a i hriat leh i rin te kha paih bo la, “Ka thei a ni” tih rilru hi pu tlat ang che.

I hlawhtlinna tur kawng chu zîm hle mahse, beidawng lo la, hlau lo la, vawikhat chauh i ke han pên chhuak tawp teh le.

JUST DO IT!