THUAWIHNA

THUAWIHNA

1 SAMUELA 15:22
Samuela chuan: “Hâlral thilhlan leh inthawinate aiin: Lalpa chuan a thu awih a lâwm zâwk lo vem ni? Ngai teh, thilhlan aiin thu awih a ṭha zâwk a, Berâmno thau aiin a thu pawm a ṭha zâwk.

Kum 2014-a khawvêla footballer hausate chu an hausa nangiang mai a. Mahse uluk takin an nun an hmang a, zu leh sa, nulat tlangvalna nên an sum leh pai chên ta se tun hi an thleng thei hauh lo ang le.

Forbes in a tarlan dan chuan Christiano Ronaldo hian kum khatah Pound 84 Million vel a la lût a. Hetih hunlai hian $400 Million vêl a nei a. Lionel Messi pawhin kum khatah Pound 67 Million vel hlawhin, $294 Million vêl a neia chhût a ni bawk. Samuel Eto’ kha Russian club hausa Anzhi-a a khelh lai khan kum khatah 20 million lai a hlawh ṭhin a, khawvela footballer hlawh hnem ber a ni ṭhin a ni. Tunah pawh a hlawh a tlêm lo hle a, hei bâkah hian Puma nên kum 5 chhûng atân $5 million laiin an lo in rem tawh bawk.

Wayne Rooney chuan US $128 Million vel neia chhut a ni a. Hei mai bakah hian Samsung, Nike leh a dangte aṭangin pawisa a dawng reng bawk. Brazilian Footballer, Kaka kha a vanglai pêl tawh mah se Pound 84 Million vel zet chu a nei ni-a chhût a ni bawk.

Tunlai khawvela footballer ṭha leh lâr tak takte dinhmun hi a ṭha em em a, an awhawm hlê. Pathianin talent ṭha tak a pe a, uluk takin an nun hmangin an talent-te chu hlawhtlinnan an hmang ta a ni.

Kristian an ni lo mai thei, ni mai thei bawk, engpawh nise he dinhmun thleng thei tur hian Kristiante awm dan tûra kan inzirtir thuawihna an paltlang nasa hlê. Thuawihna lo chuan Wayne Rooney kan hre 1o ang, thuawihna nei lo se Ronaldo pawh hetiang hi a ni kher lo ang. Chuvangin Thlarau lam mai ni lovin tisa lamah pawh thuawihna hi a va pawimawh tak êm.

ISAIA 1:19 – ‘Ka thu in awih zêl chuan In rama thil tui berte in ei ang a’

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy