A AIAH INPE

A AIAH INPE

GALATIA 1:4
Pathian, kan Pa duhzâwng zâwmin, tûn hun ṭha lo laka min chhan chhuak tûr leh kan sualte min tlen faisak tûrin, Krista chu amah a inpe ta si a.

Kum 1862 lai kha Missouri ram, America-ah Civil War hunlai a ni a. Lehlam pâwl chuan an hmêlma zinga group pakhat an man hlauh mai a. Kahhlum turin an chungthu an titlu a.

An Commanding Officer, John McNeil chuan an zavai chuan tlar khatah a din tir a. Kahna thupêk a pêk dawn chiah chuan tlangval pakhat hian kahhlum tur zînga mi pakhat chu kâphlum ve lo turin a ngên a.

Tlangval chuan, “He pa hi nupui nei a ni a, fa pawh a nei tawh a. In kahhlum chuan a nupui leh faten an ngai ngawih ngawih dawn a, a tel lovin an damchhuak zo lo ang. Kei chu min ngaitu tur tumah ka nei lo a, chuvangin ani chu zuah la kei hi a aiah ka ding ang e.” a ti a.

Commanding Officer chuan tlangval ngenna chu a pawm a, tichuan tlangval chuan chu pa chu a va kaichhuak a, a din aiah dingin an kâphlum ta a ni.

Chu tlangval chu Willie Lear-a a ni a. Mi damna turin a nunna a hlân a ni. Amah hriatreng nân a thlanlung pawh vawiin thlengin Missouri-ah chuan a la awm a, a thlanlungah chuan hetiang hian a inziak:

‘SACRED TO THE MEMORY OF WILLIE LEAR; HE TOOK MY PLACE’ tiin.

TITA 2:14 – Amah ngei chu kan tân a inpe a, bawhchhiatna tinrêng lak ata min tlan chhuak a, ama mi atân min tithianghlim a, thil ṭha tih châkna min pe a ni.

2 Comments

  1. A ṭha ṭhin hle mai

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.