AMAH-A AWM

1 Johana 2:5
Tu pawh a thu pawm erawh chu amahah chuan Pathian a hmangaihna a famkim takzet tawh a ni. Amahah kan awm tih hemiah hian kan inhria a ni.

Sumdawng pa hausa hian fapa pathum a nei a. Kum upa tawh tak anih avangin a sumdawnna chu tu berin nge kengkawh chhunzawm ang tih a ngaihtuah nasa mai a. Zankhat chu a fate chu an pathum chuan a ko khawm ta a.

Sumdawngpa chuan, “Ka chhin dawn che u a, in zinga tiṭha berin ka sumdawnna hi a chhunzawm ang” a ti a.

A in lian takah chuan room pathum ruak a awm tîr a, a mal mal chuan a fapate chu a chantîr a, tichuan a fate hnenah chuan, “In room chan ṭheuh hi in duh duhin tikhat vek ula, a tikhat ṭha ber chu he chhinna-ah hian pakhatna a ni ang a, ka sumdawnna a nei ang” a ti a.

A hmasa ber chuan motor lianin thil tam tak a phur khâwm a, a dah lût ta ruih ruih mai a. A pahnihna chuan thingkung lian tak tak a kit a, a zâr te nên chuan room khat tlat chuan a rem bawk a. A pathumna ve thung chuan room lai takah mawmbati lian tak pakhat a chhi a, a duhtâwk ta mai a.

An pa chuan a rawn en diat diat a, a hmasa ber tih dan te, a dawttu tih dan te chu ṭha a ti a, mahse a pathumna chuan mawmbati chiah a lo chhi si a, a pa chuan, “Tih khahna tur engmah i nei ve na’nge?” tiin a zâwt a, a fapa chuan, “Nei e, ka pa, han hawi vêl la, he mawmbati lian tak êngin room a luahkhah loh lai i hmu em?” a ti a. A pa chuan a han ngaihtuah a, a fapa thluak chu ṭha a ti em em a, a sumdawnna chu a kutah a pe ta a ni.

Aw le, kan nun hi Isua ênnain a luahkhat ve em?! Nge khawvel thil dangten hmun an luah tam zâwk? Lal Isua thu leh hlaten hmun tam zâwk an luah nge a hming chauhin kan awmtîr ve le!

Ephesi 1:23 – Kohhran chu a taksa a ni, engkim engkima tikhattu famkimna chu.

avatar
1 Comment threads
0 Thread replies
1 Followers
 
Most reacted comment
Hottest comment thread
1 Comment authors
LB Renthlei Recent comment authors
  Subscribe  
newest oldest most voted
Notify of
LB Renthlei
Guest
LB Renthlei

Engatinge a tluan a a chhiar theih loh a?

Copyright © 2017-2019 Our Daily Bread Mizo.
Privacy Policy