NUNNA TUIKHUR

NUNNA TUIKHUR

Jeremia 2:13
Ka miten thil pahnih an tisual si: Kei, nunna tuikhur hi mi kalsan a, Tuikhuah an ker a, tuikhuah khi, tui tling thei lo tûr chu.

Zin veivâk nu pakhat hi nau pawm chunga tlâng pang kawnga a kal laiin, a nau pawm chuan kawng sira pangpâr mawi tak takte chu a hmuhin lawh tumin a nu bân aṭang chuan a zuang chhuak a, nimahsela tlâng pang awiah chuan a lum ta chiam mai a, a tâwpah chuan lungpuiah hian a lû a zuk sawh a, a ka pawh chhawn lovin a thi ta mai a.

Chu naupang himna leh damna chu chûng pangpâr mawi leh duhawm taka lang, mahse a thih phah tâkah te chuan ni lovin, a nu âwm nghenga awm mai chu a ni tih a lang chiang hle.

Chutiang chuan ringtu ni si ṭawngṭai nuna nung lo chu a khawsa ṭhin a ni. Chutiangmi chuan a châknate chawpa boral mêk khawvêl nawmchenna itawm taka langte chu a hmuhin hmangaihna leh enkawlna, nuin a tih theih ai pawha ropui zâwk daih chu theihnghilhin thlarau lam hnute a hnâwl a, Pathian ângchhûng aṭangin a zuang chhuak a, a thih phah ṭhin a ni.

Khawvêl hi, Thlalera tui awm lo pui awm anga hmuh ṭhin ang a ni a. Thutak zawngtu chuan he khawvêlah hian a thlarau tuihal tihrehna hmuh beiseiin a zawng ṭhin a. Mahse beidawnna leh hlawhchhamna mai lo chu hmuh tur engmah a nei lo.

Nunna tui hi mihring siam chawp thil mawi leh ṭha aṭangin hmuh tur a awm lo va, a siam chawp theih loh bawk. Ṭawngṭaina nen thinlung thianghlim tak pu-a Pathian lam pante chuan nunna tuikhur an hmu zâwk ang.

Chutah chuan lungawina te, chak tharna te leh chatuana nunna te an hmu dawn a ni.

1 Johana 2:17 – Khawvêl hi a châknate chawpin a boral mêk a ni; Pathian duh zâwng titu erawh chu kumkhuain a awm reng ang.

avatar
  Subscribe  
Notify of
Copyright © 2017-2019 Our Daily Bread Mizo.
Privacy Policy