KAN EIZAWNNA

GENESIS 2:15
Lalpa Pathian chuan mihring chu a hruai a, huan enkawla vêng tûrin huanah chuan a dah a.

Mihring hmasa ber Pathianin a siam khan awm mai mai turin a ti lo va, hna a pe a, chu chu Eden huan enkawl leh ven a ni. Hei hian mahni mamawh thawk chhuak turin mihringin mawh kan phurhzia a tilang chiang hle. Kan dam chhungin mamawh chi hrang hrang kan nei a, sorkar hna a ni emaw, mahni hna a ni emaw, mi hnuaia thawk kan ni emaw; kan mamawh thawk chhuak tura kan thawh apiang chu kan eizawnna chu a ni mai.

Pathianin a inzah ṭheuhvin hun min pe a. Mi taima leh remhria chuan an thawk chhuak tam deuh nge nge. Kohhran leh sorkar khap thilte eizawn nana hman hi Kristiante tih atan a mawi lovin a inhmeh lo bawk. Kan eizawnna atana kan thawh apiang hi tuman zahpui tûr a ni lo. Kristian chuan a eizawnna apiang, min an hmu emaw hmu lo emaw, dik tak leh rinawm takin a thawh a pawimawh. Nangni eng nge ei in zawn ve dan le?