RINNA NGHET

ISUA KAN RINNA HI A NGHET EM?
– Zata Zadeng
Sialsuk

1 KORINTH 16:13
Inring rengin awm ula, rinnaah ding nghet ula, huai tak leh chak takin awm rawh u.

Polycarpa kha ram awptuin thihna pumpelh dân tûr a hrilh a. Hetiang hian Kaisara hming chhâla chhechhama, Krista Isua phatsan turin a ti a. Mahse Polycarpa chuan Kum 86 chhûng Krista rawng a lo bâwl tawh a, a chungah thil ṭha lo a tihsak ngai loh thu a hrilh a, a phatsan theih loh thu a hrilh a ni.

Ni e, keini mihring te pawh hian Isua kan rinna hi a nghet tâwk em? kan inenfiah a ngai khawp mai. Tute emaw tih nghin theih, khalh kal theih mai mai kan ni em? inenfiah a ṭul hle mai.

Isua kan rinna hi a nghet tâwk em?

Khawi emaw laia thil sual tih hreh miah lo, hlêp rûk hreh miah lo kan ni em?

Sumdawngtu nihna kan sawi rual hian engnge kan ngaihtuah chhunzawm ṭhin le?

Rinawmna leh dikna hi kan nunpui ṭha tâwkin kan inhria em?

Kohhran ho inpâwlkhawmnaa tel duh lo, rinna nei kan ni em?