ṬAWNGKAM FIMKHUR

– Zata Zadeng
Sialsuk

KOLOSSA 4:6
Mi tin engtia chhân ṭheuh tûr nge ni tih in hriat theih nân in ṭawngka chhuak chu chia al, khawngaihna tel ni fo rawh se.

Ziak hi pawimawh viau mahse hei ai hian kan ṭawngkam hi a pawimawh leh zual. Kan thil ziah chu kan la nâwt rehin kan la ti bo thei a, ṭawngkam erawh a nawhreh theih loh va, a tih bo theih hek loh.

Chuvangin, mi pawisawi zâwngin ka ṭawng em? hei hi sawi ila mi an lâwm ang em? mi an thinrimin an lungawi lo ang em? tih kan ngaihtuah fo tûr a ni.

Kan sawi tur rêng rêng hi pûak chhuahpui nghal mai lovin, mahni rilru ah committee neih hmasak phawt hnua sawi chhuah chauh tur a ni.

Kan ṭawngkam hian mi a hliam tawh chu a tidam har tih kan hriat a ṭul hlê.

I ṭawngkam chhuak chu khawngaihna tel, chia al ngei ni turin lo fimkhur tawh ang che.